SUSAH TIBA MBURI

Dening Yoni Ahmad

Semarang, 13 Desember 2006


Aku wis ora ngerti

Apa sing kudu dak lakoni

Mlaku ngalor aku wedhi

Mlaku ngidul aku diseneni

Apa sing kudu dak karepi


Ana ing ngarepku saiki

Rata-ratan wis sepi

Ora ana maneh para tani



Sing lagi bungah nuntun sapi

Amargi susah adol pari

Kapan ndonya bakal mari

Aku ora bisa nulungi

Namung bisa ngandhani

Ayo wong-wong sing padha kari

Padha mlayu nututi

Nututi saka mburi

Ing panasing sepi

Katinggalan susahing manah

Sawetara namung garing sawah

Tetanduran padha mati

Banyu ora nate mili

Tuku-tinuku banyu

Adus namung banyu kali

Gawe pirang-pirang wulan,

Akhire…

PADHANG-PETHENG

Semarang, 15 Desember 2006


Linggih ning ara-ara

Ora ana tiyang sapa-sapa

Sedhela padhang

Sedhela petheng

Mblerengake netra

Awak krasa sayah

Ora bisa polah

Ning jero ati

Sing bakal nulungi

Ayo padha digolekki

Digrayangi dadane

Ning kana

Bakal ana tambane